- مجلة الحيوانات و الحياة البرية (تنظم الصيد البري، الصيد البحري، التنوع البيولوجي، حماية الحيوانات الأليفة، نقل الحيوانات، الغابات..): وصلنا 60 فصل.
- قانون منع إتلاف المواد الغذائية و منع التبذير (يحجر على المساحات الكبرى و النزل و المطاعم السياحية إلقاء المواد الغذائية في القمامة) : في مرحلة إستشارة الخبراء
- منع قبول ترحيل التونسيين من الخارج دون إذنهم : في مرحلة دراسة القانون المقارن
- محاربة التحرش/ التحرش الإلكتروني عبر تسهيل عملية التبليغ (مراجعة مجلة الإجراءات الجزائية للسماح بال pre-plainte عن بعد) : في مرحلة بحث و تجميع الشركاء المحتملين
- إجبارية حصة ب 4 ساعات على الأقل مع مختص نفسي للمقبلين على الزواج : في طور الصياغة
- الإمتيازات الجبائية لكافلي ذوي الإحتياجات الخاصة : في طور الصياغة
- كسر المونوبول في وسائل الدفع الإلكتروني و تطوير الديكاشينغ : في طور دراسة ردود الخبراء
- تنقيح مجلة الصرف للسماح بالبايبال : جاهز في طور جمع الدعم من مختلف الكتل
- قانون ال FCR : مر للجنة المالية، في طور متابعة النقاش و المقترحات من مختلف الكتل
- تنقيح مجلة الشغل و تأطير الإمتيازات العينية و السيارات الوظيفية : في طور التفكير
- small buisness act لدعم المؤسسات الصغرى و المتوسطة
وبقية مقترحات قانون المالية (14 مقترح) التي لم تمر في قانون مالية 2021 : في طور التحسين لإعادة عرضها في قانون المالية التكميلي.
هذه برامج و أهداف أمل و عمل التشريعية للعام الجديد.
صحيح عندنا نائب واحد، لكنا خلية نحل، نفكر و نقترح و نعمل بجد و نجد الحلول.
ساهل إنك “تلقى فكرة”، لكن دراستها بعمق، تنزيلها على الواقع، ثم الكتابة التقنية، فتحويلها إلى حل، فمقترح قانون، فقانون، هو أمر صعب و معقد و يتطلب كثيرا من الجهد و العمل و الدراسة و الوقت.
اليوم أصبح لدينا مقر في باردو، بيرو صغير، يدفع ثمن كرائه متطوعوا و ناشطوا أمل و عمل (قريبا إن شاء الله، ندشنه رسميا و ستكتشفونه بالفيديو)
غيرنا منذ مدة قصيرة، تنظيم طريقة العمل.
اليوم قادرون على إستيعاب و تأطير عدد أكبر ممن يرغبون في المشاركة في صياغة هذه المشاريع و المقترحات و الحلول.
كيف كيف بالنسبة للفريق الرقابي، عندنا process عمل يسمح بقبول من يرغب في المساعدة في تلقي الملفات، مشاكل الناس، المظلومين، ال s17، الحالات الإجتماعية، يبوبها و يجهزها و يدرسها و يثريها، لتتحول بإذن الله من مشاكل، إلى حلول، لتفرج كرب تونسي آخر.
60% من العمل الرقابي لكل مجلس النواب في السنة الأولى، قام بها فريق أمل و عمل، نعم بنائب واحد أكثر من 216 بكتلهم و إمكانياتهم و أحزابهم!
سنجرب أول مرة أيضا فريق “البروتوكول” : إرسال التهاني و التعازي في الداخل و الخارج
فريق تقني لتحسين التواصل الرقمي : فايسبوك، أنستغرام، واب، تصوير .. مفتوح أيضا للتطعيم
في الفرق الكل، فاتحين تربصات ب4 أشهر ، لطلبة، موش شرط تخمم كيفنا، لكن تحب تتعلم، تشوف عمل “المشرع”، اللجان و الجلسات العامة و المفاوضات مع مختلف الكتل.
قبل كنا إنجموا نأطروا فقط من 4 إلى 6، توة إنجموا نأطروا حتى 25.
إذا فريق من الفرق المطروحة يهمك، تحب تاخذ فيه تجربة و إنت طالب حقوق بالنسبة للفريق التشريعي، طالب في إختصاص آخر بالنسبة لبقية الفرق، إبعث إمايل على :
contact@mouvementamal.com
فيه السيرة الذاتية متاعك، في أي فريق تحب تكون، علاش تحب تكون معانا و نلتقي إن شاء الله في المقر متاعنا يوم الإربعاء صباحا و كل إربعاء بالنسبة لفريق التشريع و السبت صباحا بالنسبة لفريق الرقابة.
ماكش في العاصمة؟ ماكش في تونس أصلا و تحب تخدم معانا؟ ممكن جدا! عندنا أدوات تسمحلك تكون في الفريق من أي مكان في العالم.
يسعدنا اليوم، إنه و بكل فخر و لله الحمد، شهادة التربص الصادرة من أمل و عمل، أصبحت شهادة جودة : الزملاء و الكتل و الحركات السياسية تبحث على من عملوا مع أمل و عمل لإنتدابهم.
جمعية أو خبير في إحدى المواضيع التشريعية الي نخدموا عليها و تحب تساهم في صياغة النصوص، التفكير : مرحبا أيضا، يدينا ممدودة للجميع، منغير حسابات.
زميل، حزب، كتلة : مهما كانت الخلافات، تهمك هذه المواضيع و تحب نتعاونوا على ما ينفع الناس : يسعدنا و يشرفنا جدا.
بالنسبة لمنخرطي أمل و عمل، فريق الهيكلة الي يفكر في كيفية تحويل الحركة إلى حزب عصري ديناميكي قاعد يخدم بجد و قريبا إن شاء الله تعرض عليكم نتائج خدمته.
كل عام و أنتم بخير، كل عام و أنتم لما ينفع الناس أقرب.
أملوعمل
ماينفعالناس
تونسخضراءرقمية
دولة_رقمية
إقتصاد_أخضر
20
0
39
20