أمل و عمل، تكبر كل يوم و مع كل نهار يتعدى، تتزاد خبرتنا و نجاعتنا، نراكموا التجارب و نتعلموا من أغلاطنا.
عدد الملفات و المقترحات التي تنفع الناس يزيد كل يوم مع زيادة ثقة الناس فينا.
بش نكبروا الفريق النيابي.
الفريق النيابي لأمل و عمل، متكون من شباب، متطوعين.
إذا إنت طالب في القانون، في المحاسبة، في الإعلامية، في الذكاء الإصطناعي، في جمع و تحليل البيانات،
إذا يهمك البرلمان، الدور الرقابي، الدور التشريعي، عمل اللجان، كواليس المجلس، تفاعل السلط بين بعضها.
تحب تحول المشاكل إلى حلول، الإقتراحات إلى قوانين، تحسن بلادك و تحارب كل أنواع الفساد، تفكر بإيجابية و عندك قدرة على العمل، الكثير الكثير من العمل، مرحبا بيك!
ابعث cv متاعك، مع علاش تحب تخدم معانا على :
contact@mouvementamal.com
تعمل معانا تربص، ب 4 أشهر، تاخذ فيه شهادة تربص، تتعرف على شباب أخرين.
علاش التربص فقط 4 أشهر؟ باش نسمحوا لأكبر عدد ممكن من الطلبة إنهم يشوفوا “المشرع” و عمل الدولة.
أمل و عمل، ما عندهاش إمكانيات و لا شكون يكرديلها، التربص سيكون ثري، مفيد، لكن غير خالص الأجر.
ماكش مطالب تكون ولد أمل و عمل باش تجي معانا، مهما كان توجهك الفكري مرحبا بك، المهم تكون تؤمن و تحب تخدم، على ما ينفع الناس!