هيا تجي تبدل بلادك؟ تترك أثر في الواقع؟ تحل مشاكل اليوم و تساهم في تطور التشريعات لغدوة؟
الحمد الله، ربي رفع علينا بلاء الكورونا، ربي يحميكم و يحمي بلادنا.
بش نرجعوا نحطوا التوربو في الخدمة.
التربصات القديمة في الفريق النيابي وفات! مشكورين الي خدموا معانا و إن شاء الله تحققتلهم فايدة.
فلسفتنا إنه التربص ما يدومش أكثر من 5 شهر، باش أكبر عدد ممكن من الطلبة يجي للبرلمان، يشوف “المشرع”، يتطلع من قرب على سير و تفاعل مؤسسات الدولة بين بعضها.
المرة هذه بش ناخذو عدد أكبر و إختصاصات أكثر، خاطر توة بفضل أولاد و بنات أمل و عمل في تونس و خارجها، بفضل المتعاطفين مع أمل و عمل الي عجبتهم طريقة خدمتنا “ما ينفع الناس”، قاعدين نقدموا بالخطوة بالخطوة، بثبات، و أصبح عندنا مقر، مجهز و فيه أدوات و وسائل العمل اللازمة (سنفتتحه رسميا إن شاء الله قريبا جدا).
إذا إنت طالب أو طالبة، مستوى مستار أو أكثر تحب تنضم لفريق شاب، متحمس، مهما كانت ميولاتك السياسية، تحب تخدم ما ينفع الناس في وحدة من الحاجات هاذم :
- العمل الرقابي، متابعة عمل الحكومة، حلان مشاكل المواطنين
- كتابة التشريعات و القوانين و تحويل الأفكار إلى حلول
- الذكاء الإصطناعي لتحليل ضواهر سيسيولوجية
- تطوير برمجيات تنفع الناس
- تحب الناس، تحب تسمعهم و تحول مشاكلهم إلى خطط عمل، و عندك في تنظيم جولات الإستماع
مرحبا بيك في الفريق النيابي لأمل و عمل! برشة خدمة، برشة إستفادة، و خدمتك تبدل واقع الناس، كل الناس.
أبعث السيرة الذاتية متاعك، علاش تحب تكون معانا و في أي فريق لفخري :
fakhreddine.belgaied@gmail.com
نتواصلوا معاك، نبداو نخدموا، و في آخر التربص، تاخذ شهادة تربص و كان بالتعاون مع الجامعة متاعك عند سوتنونس، نكون سعداء بالحضور.
عقلية_أخرى
شباب
ماينفعالناس
خضراء_رقمية
أملوعمل
20
0
39
20