في 22 أكتوبر 2019

يبدأ قريبا بإذن الله نواب أمل و عمل المستقلة العمل الرقابي.

فكرتنا هي فصل العمل النيابي (النائب نائب لكل التونسيين) و العمل السياسي (أمل و عمل المستقلة).

فكرتنا هي إنه الشباب يتعرف على مجلس النواب، إنه طلبة الحقوق تشوف و تحضر و تشارك في “صنعان القانون” .. تشوف الدورة كاملة من النقاش و اللجنة.. ما يقعدش القانون فقط نص جاف، يتعرفوا على “المشرع”، إنه طلبة الإتصال السياسي تعمل إتصال سياسي حقيقي، إنه طلبة العلاقات الدولية موش تقرى علاقات دولية بل .. تعمل علاقات دولية

في الدورة الي فاتت، كان عندنا نائب واحد، توة زوز، كان عندنا عام و نصف توة 5 سنوات.

نفتح إذا باب التربصات،

طالب حقوق، إتصال سياسي، علاقات دولية مستوى ماجستير؟ تحب تعمل تربص مع نواب، تاخذ مشاكل الناس و تساهم في حلها، تشارك في الأدوار التشريعية و الرقابية، تخدم في المجلس، تحضر الجلسات العامة و اللجان؟

تعمل تربصك ب 5 أشهر، تاخذ شهادة في التربص و كان عندك أطروحة نكونوا سعداء نحضروا معاك.

علاه 5 شهر؟ باش أكثر عدد ممكن من الطلبة يعيشوا التجربة هذه.

حاجة وحدة.. رد بالك.. راك بش تكون مع نواب أمل و عمل، معناها يلزمك حريقة مع خدمة.. برشة برشة خدمة!

طريقة الإختيار بش تكون كيما الدورة الي فاتت، عادلة : الي بش يترشحوا بش يجيهم نفس الإختبار، بنفس الآجال، و الي بش يصلح ماهوش بش يشوف الأسامي، الي بش يقابل ماهوش هو الي بش يصلح.

جاهز/جاهزة باش تتعلم؟ باش تخدم ما ينفع الناس؟ باش “المشرع” معادش يقعد كلمة هلامية؟ مرحبا بيك في فريق العمل النيابي لأمل و عمل.

إبعث سيرتك الذاتية، علاش تحب تخدم معانا بالإمايل على

melek.sayahi@amal2019.com

الشباب

مجلسنوابمفتوح

ماينفعالناس

أملوعمل