في 12 أوت 2019

فلنتحدث عن إنقطاع الماء.. و لنبدأ القصة من يوم 6 أوت 2015.

ماذا حدث في ذلك اليوم؟

صادق مجلس نواب الشعب على القانون عدد 37/2015 الي يعطي 1000 مليار من فلوس التوانسة للبنوك.

رابط نص القانون :

http://arp.tn/site/servlet/Fichier?code_obj=90356&code_exp=1&langue=1

علاه؟ ماو لاباس؟
خاطر البنوك فالسة.

علاه البنوك فالسة؟
لأنه رجال الأعمال خذات قروضات و ما رجعتهاش

إي إش إمدخلنا أحنا؟ تمشي تعقل عليهم!
لا حبيبي، رجال الأعمال أعطاو فلوس لأحزابك عملت بيها حملات إنتخابية و إنت صوتلهم، و خلصوا ديون البنوك من .. ضرائبك!

شكون النواب الي صوتوا على مثل هذه الفضيحة؟
تفضل سيدي، القائمة كاملة قدامكم

https://majles.marsad.tn/2014/vote/560336cc12bdaa20aa5b491e

و أغلبهم، كأشخاص و أحزاب بش يعاودوا يترشحوا 🙂 .

باهي، ما علاقة هذا بالماء؟

في الجدول المصاحب (الرابط أدناه)
http://www.sonede.com.tn/index.php?id=43&L=1

نلقاو إلي الإستثمارات متع الشركة الوطنية لإستغلال المياه سنة 2016 بلغت 173 مليار.

ألف مليار إلي مشاو ترجيع ديون اللصوص، قداش فيهم من 173 مليار؟ زعمة كان تصرفوا على شبكة المياه، يقص عليكم الماء؟

نزيدو،

في 28 جانفي 2019 الدولة التونسية تاخذ قرض ب297 مليار لبناء زوز سدود
ال1000 مليار يبنيو إذا .. 6 سدود.

في بلاد كل عام 10 مليار متر مكعب نخسروها تمشي للبحر، نوابكم خيروا يعطيو 1000 مليار للبنوك، لمحو قروض ممولي أحزابهم، على بناء 6 سدود.. فلوسنا نعطيوها لممولي الأحزاب و نمشيو نساسيو.

هوما يخلصوا مموليهم عدا و نقدا و أحنا زياد العذاري يجيبلنا قرض يخلصوه أولادنا و فلوس تخليصه تتنحى من الصحة و التعليم.

القانون الي نحكي عليه يشرط على البنوك تمد تقرير كل 6 شهر إش عملوا بالألف مليار لمجلس نواب الشعب، من 7 فيفري 2018 أدى نائب حركة الأمل القسم، لم يصله هذا التقرير أبدا.. و لا مرة وحدة!

البنوك اليوم عاملة أرباح.. ب 1200 مليار.. إمالة رجعتلنا فلوسنا؟ أبدا.

نائب حركة الأمل من النواب الي إقترحوا تاكس 1% في قانون مالية 2019 على البنوك لتمويل الصناديق الإجتماعية الفالسة، نفس الي وافقوا على ال1000 مليار، رفضوا المقترح.. هوما نفسهم إلي وافقوا على 1% إستثنائية الي ولات دائمة على المواطن، على ناخبيهم!

أنت اليوم عطشان، لأنك إنتخبت هؤلاء، لا أكثر، زيد عاود إنتخبهم، القائمة كاملة عندك.. ربما بعضهم اليوم يفلم على إنقطاع الماء، مدامي حملة إنتخابية، تره ثبت نائب حزبك، ولايتك، إش صوت؟

مشكلة هذا البلد ليس إنتاج الثروة بل توزيعها، مشكلة البلد ترتيب الأولويات، مشكلته. السيستام!

شنوة السيستام؟
هو ميكروكوزم ضيق، ترتبط فيه الفلوس بالسياسة : عندك فلوس، تستثمرها في حزب، الحزب يشري أصوات، يربح، و كيف يربح يخدم مصالحك باش يرجعلك إستثمارك فيه و تزيد تموله المرة الجاية باش يزيد يشري أصوات.

تكسير السيستام، يتطلب إنك تعطي صوتك لشباب، بعيد على رجال الأعمال، كان طلع راو خاطر إنت طلعته، إذا يحب يعاود يطلع يلزم إنت ترضى باش تعاودله، فيخدم مصلحتك موش مصالح..السيستام!

إنتخب أمل و عمل المستقلة، إنتخب الشباب الي عارف فاش يحكي، بعقلية علمية منظمة، بعيدا على الهلع و التخويف و أي حاجة في خطر و الي كل إجتماعاته تتكلف.. صفر مليم!

أنت عطشان، لأنك إنتخبت هؤلاء.. هل تريد زادة غدوة أن يعطش.. ولدك؟

الشباب

الحلول

الكورة_عندك

كسر_السيستام

أملوعمل_المستقلة